車仔要史雲斯還息

猪拉多纳

24/09/2011
文： 麥馬拿仁

車路士今晚主場迎「債仔」史雲斯，係時候攞甜頭！史雲斯本季能歷史性升班，都係多得車仔兩名舊將史葛冼佳亞同波連尼，而主帥羅渣士以前就係車仔預備組教練，雙方關係千絲萬縷，史雲斯報恩天公地道，車仔贏兩粒係最低消費，捧「讓球主勝」。（有線201及301台周六晚10時直播）


借兵升班預咗要還


兩軍一直關係良好，舊年夏天車仔就以五十萬鎊將史葛冼佳亞賣畀史雲斯，到今年三月又借埋意大利有料鋒將波連尼畀佢哋，前者迅即成為靈魂球員，而後者九次出場就射入六球。而○四至○六年，史雲斯教練羅渣士分別做過車仔青年軍同預備組教頭，喺莫連奴身上學咗唔少嘢。史雲斯能爆冷升上英超，你話係唔係要多謝車仔先？




車路士下周中歐聯要作客華倫西亞，但首戰贏利華古遜後壓力大減，反而聯賽剛不敵曼聯，今戰梗係要喺史雲斯身上攞着數！