川迪勢勁受讓筍

猪拉多纳

24/09/2011
文： SAMVO肥叔

下周中又開歐聯分組賽，大家揀波時，要留意埋呢個因素，今日肥叔對一場荷甲大戰感興趣，就係阿積士主場對川迪，川迪近年進步神速，上季僅以一個馬鼻輸畀阿積士得亞軍，今季捲土重來，季初已先聲奪人，目前排緊榜首，今晚作客阿積士有力保不敗，受讓筍！（now 639周日凌晨2時45分直播）




阿積士今場最大隱憂就係有歐聯後顧，阿積士闊別歐聯多年，難得今年打番入分組賽，可惜同組對手甚強，除皇馬外，里昂同薩格勒布戴拿模都唔弱，阿積士首仗和波，嚟緊周中作客皇馬好關鍵，今場讓到半一實在太多，兩隊半斤八両，和波都收貨，梗係捧下盤。




英超曼城同阿仙奴都讓得太多喇，尤其係曼城表現唔穩定，對手愛華頓又硬淨，讓多過一球要下盤，至於阿仙奴今季聯賽全輸盤，今場點讓保頓一球、球半？又係要埋下盤，另外曼聯個勢咁好，長追大盤基本上都冇錯。


馬體會西甲銀行隊


西甲方面，肥叔今季好鍾意馬體會，認為佢哋係今季西甲嘅銀行隊，除咗巴塞同皇馬超班之外，馬體會絕對有條件成為第三勢力，馬體會最近兩場聯賽贏得好有說服力，分別大炒希杭同桑坦德四比○，今場作客巴塞要搶分未必咁易，但受讓咁多絕對有機會贏盤，一於捧埋大盤博雙殺！


肥叔心水


愛華頓下盤




保頓下盤

熱刺上盤

利華古遜下盤

史篤城大

川迪下盤

馬德里體育會下盤、大