華倫弗爆唔赦西維爾

猪拉多纳

24/09/2011
文： ComboKing

阿King今日將重心放落西甲賽事西維爾對華倫西亞身上，「蝙蝠兵團」開咧表現勇猛，聯賽三勝一和，周中面對「地上最強」巴塞隆拿亦不落下風，今回作客西維爾，相信都可以坐和望贏保持不敗，因此華倫受讓值博。（now 632周日凌晨零時直播）




華倫西亞今季大事增兵後，開季表現非常對辦，四場聯賽三勝一和，最抵讚係周中面對巴塞都同對手平分秋色，二比二握手言和。事實上，華倫今季加入幾名年輕新血如簡拿利斯及域陀雷斯後，班波愈來愈有活力，現階段要佢哋失分確實非易事！再者，主隊西維爾今季實力未見躍升，今場想全取三分有難度，建議捧受讓平半嘅華倫。


流浪些路迪要攞彩


其餘兩關阿King就揀咗蘇超，分別係鄧弗姆林對格拉斯哥流浪，以及些路迪對恩華尼斯。流浪剛於周中意外在蘇聯盃出局，今場肯定搵鄧軍出氣，大炒可期。至於些路迪就於上輪聯賽輸畀死敵流浪，同樣要在今輪賽事挽回面子，所以阿King認為兩場都要捧大盤。