蜜蜂斷針拮唔入緬恩斯

猪拉多纳

24/09/2011
文： 阿占

「蜜蜂仔」慘變「落水狗」！「蜜蜂兵團」多蒙特今季表現走樣，喺聯賽仲2連敗，小弟認為最大問題係球員埋門信心不足，贏形勢輸波。今晚佢哋出訪緬恩斯，仲要有中後場兩大主力施雲賓達同舒姆沙缺陣，邊有可能讓得起？我捧1.9倍緬恩斯「讓球主勝」！（有線61及64周六晚9:30直播）




我一向好欣賞多蒙特，喺主帥高普帶領下踢得朝氣勃勃，侵略性驚人。可惜佢哋今夏走咗中場重心紐尼沙軒，開咧前巴拉圭射手巴里奧斯傷埋，搞到進攻群龍無首！係，雖然呢隻「蜜蜂仔」喺大部分賽事都係佔盡優勢，但偏偏就欠缺最後一「針」入波，咁又點贏波呢？


多蒙特中後場兩將缺陣


計埋歐聯，多蒙特近4場只得2和2負，其中和阿仙奴同輸畀哈化柏林嗰2場波，射門都多過對手一倍以上，偏偏入波就唔多！上場聯賽對住漢諾威，又係一直入唔到「燕梳」球，到最後至畀對手反勝2:1。唉！進攻不力，下半場又成日跌Watt，今場仲話連中場施雲賓達同守將舒姆沙都唔踢得，真係戥佢哋擔心。




緬恩斯呢邊，上季喺德甲排第5，依家就淪落到同多蒙特一樣，6戰得7分排13。季前贏完2場之後，佢哋同樣狀態轉沉，連續4場聯賽失分。不過話晒今晚都係主場出擊，近5次主場交手就只輸過1次畀「蜜蜂仔」，前鋒艾拉基又有望及時傷愈，強陣出擊贏埋都唔出奇啦！




頂占筍盤：緬恩斯（讓球主勝）




有線球彩台主持阿占

電郵：soccer64@cabletv.com.hk 

PHONE波熱線：1831 678

「超級星期六」開放時間：周六晚9:00至周日凌晨2:30