聖莊士東受讓唔怕赫

猪拉多纳

25/09/2011
文： 法比加輝

蘇格蘭聯賽盃周中爆大冷，格拉斯哥流浪竟遭甲組仔福爾柯克擯出局，想唔到只係九月份，班霸流浪已經先後在三項賽事歐聯、歐霸及蘇聯盃提早畢業。流浪頻頻失利，多少都要歸咎於領隊麥哥斯，皆因呢位「徒弟仔」嘅功力始終不及縱橫球壇多年嘅老帥禾達史密夫，難怪守業往往比創業更難。

赫斯作客腳軟

禾達史密夫退休後令流浪倒退，不禁令人聯想到，他朝費格遜離開曼聯，佢嘅繼任人將要面對如此艱巨嘅局面。所以費Sir日前就不諱言，「寸王」莫連奴係佢嘅最佳接班人，事實上加輝亦非常認同，莫帥嘅教波理念、風格，始終唔多適合崇尚進攻嘅西甲，或許回歸英超都係好事。今晚蘇超獨腳戲聖莊士東對赫斯，赫斯近十場作客有九場不勝，作客點讓波？捧受讓嘅聖莊士東。
（周日晚7時開賽）