賓特拿布魯士故劍重逢

猪拉多纳

26/09/2011


賓特拿喺阿仙奴多年來鬱鬱不得志，更得到「中堅賓」污名，連阿仙奴球迷都柴佢台，今季終於得償所願，被借用到新特蘭重新開始，最鍾意人棄我取嘅新特蘭領隊布魯士認為，賓特拿嘅潛質未完全展現，相信佢仲有進步空間，可以喺光明球場重建光明。




布魯士對賓特拿嘅實力相當清楚，因為喺○六至○七年球季，當時十八歲嘅賓特拿以借將身份加盟伯明翰，表現一鳴驚人，更得到多間豪門包括AC米蘭嘅注意，本來諗住賓特拿返阿仙奴會順風順水，可惜呢幾季卻未能爭到正選，更淪為球迷嘅笑柄。


球迷好快忘記基恩


布魯士認為賓特拿今季加盟新特蘭可重拾信心：「我哋今季失去射手基恩，但球迷唔使擔心，因為賓特拿將會成為我哋嘅進攻重心，我對佢嘅能力好清楚，上幾季佢喺阿仙奴未發揮最佳水平，我相信球迷好快就會忘記基恩。」