基達菲讓唔起貝迪斯

猪拉多纳

26/09/2011
文： 享格比利

相信大家點都估唔到貝迪斯會咁堅，今季重返西甲頭4場波全部贏晒，威過皇馬同巴塞多多聲。今晚佢哋繼續展開神奇之旅造訪基達菲，教練柏比美爾強忍亡母傷痛堅持領軍，班手足當然唔想令佢失望，一隊贏晒、一隊就仲未開齋，今場獨腳戲無謂同荷包作對，貝迪斯受讓平半，一於要1.74倍下盤。（開賽時間：周二凌晨3:00）




今季重返西甲嘅貝迪斯平地一聲雷，西班牙《馬卡報》更加誇張到用「西甲曼聯」嚟形容呢支新升班隊伍。亨格比利睇番貝迪斯主帥柏比美爾嘅訪問，佢老人家真係好實際，講到明場場都當決賽咁打，從來唔會諗咩留力、輪換、顧慮下一場波等等婆媽嘢，難怪班波踢落咁有決心啦。


貝迪斯教練喪母堅持領軍


貝迪斯射手魯賓卡斯度雖於上周五復操，但預計仲要兩周先可以操起狀態，不過小弟就覺得唔係問題，事關辛達告魯斯上仗一開齋就省兩粒，賽後佢自稱已經慢慢適應西班牙天氣同比賽節奏，預期會愈踢愈好。據塞維利亞傳媒報道，主帥柏比美爾因為喪母缺席上周六操練，但就堅持會歸隊領軍，班球員當然想贏波安慰一下主帥。




貝迪斯一鳴驚人，主隊基達菲就一沉不振，開咧4戰只係錄得1和3負劣績，當中輸畀「銀河艦隊」冇嘢好講，但對住華歷簡奴同愛斯賓奴都要全失3分，就證明呢間首都球會係幾沉。門將烏斯達利、中場拉法盧比斯同謝美加維蘭仲養緊傷，對上6次主場遇正貝迪斯亦只係贏過1場，往績一啲優勢都冇，仲要讓氣勢如虹嘅貝迪斯？講唔通喎！