AC殘陣照食大茶飯

猪拉多纳

28/09/2011
文： 車車

相隔上輪歐聯分組賽已經兩個禮拜，真係令小女子望穿秋水，尤其今屆分組賽戲碼特別多生死戰，刺激程度比以往大大增強，以前我日頭做嘢做到攰晒，收工返到屋企落妝瞓覺就算，但依家大戰連場，捱眼瞓都要頂住等開波啦！




仲記得兩星期前AC臨完場逼和巴塞，真係興奮到震！因為巴塞領先就想搓到完場，真係有失佢哋「地上最強」嘅身份！依家兩隊各得一分，往後嘅分組賽自然更加刺激好睇。AC喺魯營踢咗場好波，但返到意甲表現就一般，早幾日靠施多夫入個靚波先打敗包尾大幡切塞納，迎來聯賽首勝。當然，爛船都有三斤釘，今晚H組主場對住捷克球隊柏辛域陀尼亞，贏波正路就冇問題，但為防爆冷中招，博入球大安全啲。（有線63及203台周四凌晨2時45分直播）


防線遭傳媒狂插


主勝得1.22倍咁熱當然買唔落手，皆因AC近況一般之外，陣容亦都唔多完整，梗係覺得冇乜安全感！而且佢哋防線今季成日都甩拖，畀傳媒鬧到癲，兩閘好似阿比迪又輕出，雲邦美又大跌Watt，艾比亞迪隨時守唔住最後一關。AC除咗加度素停賽外，羅賓奴、柏圖，以及伊巴謙莫域都有傷唔出得。雖然如此，但卡斯辛奴應該可以恰死對手，因為對手都有正選門將受傷。話晒AC係聖西路地頭蟲，攻力應該可以保持，係擔心佢哋守唔住。


柏辛域陀尼亞火力猛


柏辛域陀尼亞之前仲有個朵叫比爾森，但我相信邊個名都冇乜香港球迷可以噏得出，但佢哋喺捷克聯賽成績都唔差，近五場仲射入十二球，即係平均每場入兩粒以上。雙方暫時嚟講都似攻強守弱，一於買個入球大等睇好波啦！


球彩全女打


車車01年起在電台主持年輕人節目，05年起主持電台足球節目，10年底加入球彩台，主持《球彩俱樂部》及《球盤龍門陣》，並參與每周足球賽事直播。




phone波熱線：1831 678

球彩電郵：soccer64@cabletv.com.hk

開放時間：晚上10:30-11:40（球彩俱樂部）

車車推介：AC米蘭入球大　球彩群組：http://fb.com/icable64