史篤城讓波比錫達斯要得過

猪拉多纳

29/09/2011
文： ComboKing

今日有多場歐霸盃供選擇，阿King睇中E組史篤城主場對比錫達斯，雖然史篤城在今季歐霸盃表現不俗，但呢班波一向都畀人睇淡先有佳作，若然要佢哋讓波，阿King就覺得信唔過，今場一於捧受讓嘅比錫達斯「讓球客勝」。




（有線64及204台周五凌晨3時05分直播）




史篤城呢支新進英超「茅波」近期的確踢出唔少代表作，好似歐霸盃作客基輔戴拿模力保不失，聯賽盃淘汰熱刺，上場聯賽又成功逼和紅魔鬼曼聯，畀人一種非常硬淨，難以擊敗嘅感覺。不過史篤城受讓就多，要佢哋讓波似乎有多少難度，事關史軍近四場賽事未贏過，面對態勇嘅比錫達斯想全取三分唔係咁易，建議揀「讓球客勝」。


另揀聖日耳門特拉維夫


另一關就睇中F組畢爾包對巴黎聖日耳門，自從以土炮為主嘅畢爾包今季改由阿根廷教練比爾沙領軍後，球隊明顯唔適應，開咧七場只係贏過一場，聯賽更加未開齋，所以今場要讓「法甲曼城」巴黎聖日耳門，阿King就揀下盤。至於最後一關就選E組特拉維夫馬卡比對基輔戴拿模，特拉維夫近七場主場全勝，主場威力有料到，今場受讓當然要捧場。