喜寶龍威後上殺敵

猪拉多纳

　　颱風「納沙」攪咗一輪，嚟得快，去得快。站於出版界立場，呢個風真係累咗好多同行，因為日前延至晚上先至排位，時間尷尷尬尬，真係出又唔係，唔出又唔得，總之，就倒瀉籮蟹。其實，馬會雖然對颱風與排位有基制設定，但係咪可以諗諗有冇方法去照顧吓一班同行，唔係一定咩都以自己為中心啩！？

　　第三場四班1200米。「喜寶龍威」上場初出，阿棟唔係特別有好感，事關隻馬拉出嚟，行圈時精神唔係咁集中。加上，又唔係跑得多，上季4場唔算好有走勢，所以，都係觀望態度。然而，陣上表現嚇一跳，末段在大外檔打衝鋒，後勁勁到嘭嘭聲，如果唔係蝕位多遲咗發力，以當時追勁，起碼有Q！呢類馬一旦跑完進度好小小，已經夠贏啦。

　　第六場一班1600米。「醒目精英」係匹好準好準嘅馬，跨季咁多場，好少冇前兩名，今季較後時間會唔會去追逐打吡夢，我真係未「索」到，但有一樣嘢可以好肯定，隻馬向來旗幟咁鮮明，評分一日未飽和，一日都唔會欺場。當然，今場要上一班角逐，阻力係有史以來最巨，信佢潛力未盡，1600米可能比1400米更犀利，一於博W。

　　第九場三班1400米。「氣定神閒」終於搵到贏馬法門，唔使特登留後追，上場晉仔一於擺前，有理冇理咬喺第二位，跟住直路率先發力，贏到對手甩晒，畀我哋見識到隻馬原來有呢一道殺着。呢次回到三班，本來已經夠班，依家仲開咗竅，更加易於應付。

點買法

　　「喜寶龍威」上場走勢可能係幻象，唔敢用嚟過關，但反正實有賠率，建議玩玩1W2P，無傷大雅。而重心QT在第六場，熱膽「醒目精英」，拖番啲冷門，好似%&+，當然{又唔捨得飛。