票數勁有尚駿心

猪拉多纳

　　今次國慶日作賽，好多有卡士嘅馬擺晒出嚟，大熱門亦罕有地集中喺三個馬房，分別為東廐、蔡廐及苗廐。當中不得不留意苗廐兩匹熱門，事關佢哋係林培雄先生嘅「雄心」系列，志不在小。

　　怪飛馬方面，第五場「尚駿心」跑返1000米直路賽，支持者明顯返咗嚟，雖然喺新勝馬「危險大軍」壓陣下，隔晚W仲有14倍，但如果望吓同場幾匹惡馬，如剛仗跑入Q的「黃金年代」嘅W亦有12倍，你就知「尚駿心」其實有飛。加上此駒前三仗最後賠率，其實都在20倍以外，今次突然有票數降臨，搏馬之心已經出晒嚟，希望可以同「危險大軍」鬥一鬥。

博蔡明紹封王

　　騎師王方面，韋達再次熱得交關，得1.8倍。會唔會好次周三咁中伏？好難講。如果想好分啲，手執東廐惡馬的蔡明紹也不失為好選擇，有4.6倍，唔好睇小！周仲