車士打菲特遊諾場歎細界

猪拉多纳

04/10/2011
文： 笛子波童

由於周末舉行國際賽，周中大部分都係低組別賽事，由英甲、英乙球隊角逐嘅英格蘭聯賽錦標上演第二圈，諾士郡主場鬥車士打菲特。雖然諾士郡近期主場戰績有保證，不過體力會係佢哋今仗爭勝最大障礙，就算車士打菲特輸波亦唔會大敗，波童建議捧細盤。




（周三凌晨2時45分開賽）




諾士郡上周末聯賽對米爾頓凱恩斯，開賽四分鐘已有守將祖利安基利被逐，結果球隊在超過八十分鐘十人應戰下輸○比三，體力消耗甚大，尤其首席射手李爾曉士已經三十五歲，呢名踢過英超嘅前鋒喺球隊近四場贏波都係先開紀錄球員，重要性不言而喻，就算領隊馬田艾倫唔收起佢，疲兵再戰亦恐怕影響發揮。


六訪諾士郡全細


車士打菲特雖然兩連敗，不過表現唔太曳，尤其上場對高車士打全場佔盡優勢，理應至少有一分落袋。睇番佢哋過去六次作客諾士郡成績唔失禮，六戰取得一勝三和兩負，兩次輸波都輸「0:1」，其餘四場總入球亦唔超過兩球，今場又係開細格局。