極品絲語：賽績硬淨 友瑩果轉場掂

猪拉多纳

　　因遷就重陽節關係，馬會安排今晚跑馬。近期多得「啡燈黨」經常埋門狠狠落飛，今季投X額十分理想。落飛馬當中有得有失，有些馬迷經常睇燈行事，但並非每匹着燈馬都會贏，如今季吳嘉晉的坐騎便經常有「燈神」眷顧，但當中成功的又有幾多？

　　跑了七次賽事，已有數場強組賽事出現，當中開鑼日009場次便是一例。該役跑第四、六名的「帝豪駿駒」及「堅旺財」，接戰再出已在三班1200米串Q，可見當日跑季軍的「友瑩果」水準甚高，後駒今戰轉爭谷草有力贏馬而回。「享耆成」排外檔形勢較差，作配較合。「綠色寶」季內兩仗都現追勢，可爭一席。

　　「閃耀小子」以谷草1200米最合腳法，上仗季內初出入Q，走勢不俗，今次打王牌而臨，有望勝回一仗。「金獅駿將」上次贏馬屬強組賽績，但負磅較重，只宜拖。「龍船旺」上次走三叠彎蝕位多，敗不足據，今次改排二檔可拖一票。

　　近期很多投資者成了蟹民，不過仍有很多財力雄厚或之前尚未出擊的投資者，蠢蠢欲動打算撈底。要趁低吸納的話，於高位回落了一成半有多的黃金也可動腦筋。一位在內地人脈甚廣的馬主對筆者指出，中國人對黃金的需求只會有增無減。隨着中央X府壓抑樓價，原本進入房地產的資金，便流入其他投資工具，黃金是相對簡單的選擇，且不用擔心出現公司被查而令股價大幅蒸發的風險，故推介買入黃金ETF（2840）。

珊翠絲