關人馬事：薄荷糖咪睇小

猪拉多纳

　　方嘉柏今晚大軍壓境，出馬七匹各具贏面。其中三場「閃耀小子」及五場「薄荷糖」早前俱作熱身，而且各有佳績支持，做足準備重來應有機會贏馬。

　　先講跑四班1650米的「薄荷糖」，今仗牠初跑谷草，是否合適屬未知之數，但以賽績推算，上季馬匹只屆三歲之齡，已一再與超級馬同場對壘而走近，如贏馬一役，更是壓倒今季升上三班作賽的「高分貝」，可見「薄荷糖」的豐厚潛藏。上仗牠初出跑田草1400米，末段締22秒18，時間極之可觀，以其慣於留前鬥後的跑法估計，增程至中距離定必更合，今次強配柏寶，乃穩位望贏之選。

　　至於列陣第三場四班1200米的「閃耀小子」，上仗以兩乘許負於頭馬「威威加瑪」跑第二，表面睇成績平平無奇。但要留意一點，就是該場賽事頭段的步速極慢，才導致「威威加瑪」僥倖地一放迄終；反觀「閃耀小子」沿途置中形勢被動，但末段仍可後上入Q， 實屬高水準之作，今場難得有靚檔扶持， 收復失地應無難度。

賭博士