葡萄牙小虎贏波冇難度

猪拉多纳

06/10/2011
文： 巨高

U21歐洲國家盃外圍賽，今輪有場第6組賽葡萄牙U21主場對波蘭U21戲碼，當年以費高為首嘅「黃金一代」連贏89及91年U20世青盃，而今時今日當地足總仍保持青訓計劃完善嘅傳統，培育出唔少足球天才，因此球員質素遠超波蘭，主場贏多過一球冇問題，「讓球主勝」可捧。（有線155台周五凌晨4時直播）


青訓優良 實力超班


受惠於葡萄牙青訓計劃，從費高到C朗，該國多年來不停有新星湧現，當中不乏年紀輕輕已出國搵食嘅「老虎仔」，好似今次出戰U21嘅名單中，隊長雷爾方迪正効力愛斯賓奴，身高達1米89嘅祖奧施華則已被愛華頓收購，而另一主力柏度文迪斯就踢緊皇馬B隊，優厚潛質加上球會嘅「職業級」訓練，令佢哋無論喺體力及技術層面都遠超同齡球員。




反觀波蘭並非足球強國，球員要於歐洲球壇彈起唔容易。今場比賽可謂高低分明，葡萄牙應唔會令捧場客失望。