4大名牌惹放水疑雲

猪拉多纳

07/10/2011
文： 笛子波童

歐國盃外圍賽進入大直路，球隊同投X人士都要「睇分做人」，必須留意已出線及被淘汰球隊會唔會因收夠籌而「放水」畀對手，特別要小心提防「名牌陷阱」，其中4支已穩奪決賽周入場券嘅勁旅荷蘭、德國、西班牙及意大利，人腳級數毋須懷疑，但陣中球星多有球會賽事後顧之憂，仲會唔會喺呢啲例行公事度搏盡呢？現在就等我哋一眾名家為大家逐場分析佢哋今晚會唔會揸流攤。

荷蘭讓2球照殺摩爾多瓦

E組荷蘭主場鬥摩爾多瓦，荷蘭已穩奪出線權，今場勝負無關痛癢，不過佢哋一向甚少揸流攤，相信憑較佳個人質素，仍力足大勝對手，讓到兩球照熱捧「讓球主勝」。


（now 637周六凌晨2時30分直播）


目前E組形勢，荷蘭8戰全勝得24分，領先次席瑞典6分，數字上荷蘭仲未穩奪小組首名，但計埋其他組成績，就算荷蘭餘下2場分組賽輸晒，佢哋仍可以最佳次名進身決賽周。荷蘭近年喺大賽外圍賽成績極佳，唔計今屆目前為止8戰全勝，2010年世盃同樣8戰全勝，06年世界盃則錄得10勝2和。

半力出擊一樣掂

荷蘭今仗有中場史奈達受傷冇入選，翼鋒洛賓、門將史基倫堡及守將馬杜路亦因傷退隊，但仍有亨特拉爾、尹佩斯、古積特及雲達華治等主力壓陣，而且小將盧克迪莊、史杜特文及韋拿杜姆為爭取參加明年決賽周，落場一定搏到盡，半力出擊都夠殺有餘。


相反對手摩爾多瓦上月初外圍賽作客今非昔比嘅芬蘭都要輸1比4，今次面對實力更強嘅荷蘭，只會輸得更慘。