強隊留一手 自製和波3串4

猪拉多纳

07/10/2011
文： 黃興桂

自國際足協近年改革賽程，由以往嘅一周雙賽，變成10日踢2場之後，對球員、球隊、領隊都係好事，領隊同國腳們可以有較多時間備戰之餘，踢完比賽亦可以有多啲時間休息，例如周五比賽後，周二再踢第2場，球員為國上陣後，起碼仲可以休息一段時間先至應付球會賽事，特別國際賽好多時要飛來飛去，改制後令球員可有時間去適應番時差。


至於今晚歐國盃外圍賽，要留意部分球隊已經出線，I組西班牙已奪得決賽周入場券，今次作客捷克，「鬥牛兵團」可贏可和可輸，賽果對佢哋意義不大，至於捷克要力保小組次名，就必須打醒十二分精神，尤其係對手畢竟係世界盃同歐國盃雙料冠軍，就算戰意唔高，亦唔可以輕視，預料捷克會踢得非常謹慎，並以1分為基本目標。

英格蘭冇必要攞足3分

C組塞爾維亞主場對意大利情況亦好相似，意軍已肯定出線，唔需要去盡，塞爾維亞實力一般，冇必勝把握，呢場屬於和波格。G組英格蘭攞1分已夠出線，作客黑山亦唔需要太冒進，亦可博和。上述3場比賽，自製一條和波3串4，扑中晒咁就和味嘞！


金句：國家賽事10日打2場一張刀有兩頭利