英超孖寶壓陣 俄羅斯飲得杯「洛」

猪拉多纳

07/10/2011

B組仲有4隊有出線機會，當中俄羅斯形勢最好，只要今仗作客贏到斯洛伐克，下仗遇弱旅安道爾就十拿九穩，今鋪肯定谷盡求勝，撞正斯洛伐克近排防線失魂，主力史卡迪爾又隨時因老婆生得離隊，平手盤捧1.78倍俄羅斯，坐走望贏。


（開賽時間：周六凌晨2:15）

斯洛伐克焗攻盞捉蟲

俄羅斯目前霸住榜首位，有17分，帶離次席愛爾蘭2分，今仗贏波就可以免除後患，最緊要係斯洛伐克焗搏3分，肯定唔會死守，俄羅斯專心反擊更有優勢。賽前俄羅斯雖然證實前鋒基沙哥夫有傷，但都仲有艾沙維同柏夫里約真高呢對英超孖寶壓陣，對住斯洛伐克夠殺有餘啦！


主隊斯洛伐克呢邊，唔贏就幾乎等於出局，但只係佢哋想搏都有心無力。睇番佢哋狀態認真唔理想，前仗作客悶和愛爾蘭叫做不過不失，但上仗主場吞阿美尼亞4蛋絕對係沉重打擊，球員信心成疑，最大鑊係踢利物浦嘅主力史卡迪爾日前因為陪住待產老婆遲歸隊，如果一旦開波前生得，史卡迪爾分分鐘提前離隊，就算踢得都影響集中力，想頂住俄軍，真係唔易。


歐國外B組