希臘靠經驗擊潰格仔軍

猪拉多纳

07/10/2011

F組係雙雄對峙局面，今晚「一哥」克羅地亞作客「老二」希臘，希臘特意重召以基卡斯為首嘅3名老臣子，希望喺關鍵時刻，佢哋嘅經驗可以幫到手，考慮到克羅地亞今仗有射手奧歷缺陣同隊長達里祖史拉停賽，殘陣出擊，今鋪平手盤，宜捧希臘。（開賽時間：周六凌晨2:45）

克羅地亞隊長停賽

希臘現以8戰得18分、1分之差緊隨克羅地亞之後，2隊最後一輪都係遇上同組較弱對手，希臘想反超前攞首名出線，今晚係最後機會，主場出擊，仲點會唔搏命先？領隊費蘭度山度士關鍵時刻重召老將前鋒查列斯迪斯同門將捷奧迪斯，同時間之前鬧不和離隊嘅射手基卡斯又肯公開道歉歸隊，上下一心爭出線，絕對有望炮製奇迹。


克羅地亞呢邊，拜仁前鋒奧歷因傷落選，柏拉積因為上陣機會唔多亦被棄用，最慘係連隊長達里祖史拉都停賽，經驗真係幾輸蝕。前線擔正嘅謝拉域喺外圍賽踢咗5場都未入過波，今鋪作客出戰，輸埋有咩出奇？


歐國外F組