巴西炒起哥斯達黎加

猪拉多纳

07/10/2011
文： 自由恒

毋須參戰世盃外圍賽嘅巴西趁空檔，展開接近3年嘅「親善之旅」，除咗南極之外，將會走訪世界各大洲份，推銷2014年巴西世界盃，當然最緊要目的就係掘金啦！首站「森巴兵團」會去到中美洲，作客哥斯達黎加，捧2.1倍「讓球客勝」。


（開賽時間：周六早上10:00）

保留9大南美打吡功臣

自今夏嘅美洲國家盃熱身賽開始，巴西國家隊就成為咗輸盤王，近10場比賽先至贏得兩個盤，不過筆者從來唔擔心「足球王國」會沒落，查實呢幾場波，巴西明顯係決心唔夠先至影響戰績，只要認真備戰，除非面對一線球隊，否則對住哥斯達黎加呢類三流貨色，仍然會有絕對性優勢。


睇番今次巴西大軍，最醒神嘅並唔係加入番丹尼爾、侯克等喺歐洲搵食嘅球員，反而係保留番9個剛揚威「南美超級打吡」嘅巴甲兵，當中梗係有近期重新上位嘅朗拿甸奴同新聞多多嘅尼馬啦！呢班土炮上月中就聚埋一齊踢咗兩場波，建立咗其他國家隊現階段冇可能有嘅默契，備戰工夫一流，加上人腳質素始終贏晒，嚟緊10月呢兩場熱身賽，將會係「森巴兵團」發光發熱之時。


足球重心：巴西（讓球客勝）