墨爾本勝利大騷娛賓

猪拉多纳

08/10/2011
文： 立民

今日澳職開鑼，有線球彩台一口氣直落直播三場，作為評述嘅我，喺幾個鐘內已睇到六隊波今季嘅組軍質素。




今季澳職雖然有北昆士蘭風暴退出，但其他幾支球隊冇縮皮不特止重反而大搞，單係開季前轉會已經有六十一宗，海外球員佔半，出名球星如前巴西國腳費特，前曼聯球員米拿，仲有眾望所歸、今屆回歸嘅澳洲腳基維爾同艾馬頓等。不過奉勸大家小心，球星多唔等於發揮一定正常，加上澳職球隊分分鐘喺狀態未掂之下就開季，隨時脫腳。留意直播，對跟進投X絕對有幫助。




今季焦點當然盡在兩個回流球星身上，基維爾喺澳洲人心目中係個成功同世界足球水平接軌嘅代表。佢十六歲經已出外搵食，於利物浦有過光輝日子。老實講，班澳洲鄉里仍希望見到佢喺外地也文也武。但年紀唔輕，告老歸田好正常。佢今季回流到號稱擁有最多國內球迷、鍾意踢進攻足球嘅墨爾本勝利，令球隊攻力如虎添翼！


艾馬頓投效FC悉尼


另外，本以為喺英超踢多一兩季嘅艾馬頓，依家已經回歸FC悉尼，呢個球員右腳威力十足，加上有突破能力，預計一眾高大前鋒好似卡薩連尼同馬基拿可以受惠。




今日開波嘅墨爾本勝利對FC悉尼（有線64及204台周六下午3時30分直播），被譽為國家打吡，入座率爆棚之餘，亦係入球保證，加上上季兩隊首次對碰，就做出三比三大比數交易，呢場入球大絕對係信心之選。


立民推介


墨爾本勝利 Vs FC悉尼

入球大

phone波熱線：1831 678

電郵：soccer64@cabletv.com.hk

「球彩俱樂部」開放時間：晚上10:30至晚上11:45