噴射機揭幕戰捱「細」界

猪拉多纳

08/10/2011


揭幕戰由紐卡素噴射機主場對墨爾本雄心，兩軍上季成績均差強人意，未能進身季後賽，今仗可謂海軍鬥水兵。雖然話噴射機係08年總冠軍，但翻查紀錄，佢哋近六季首場聯賽只取得一勝，當中五場開細，有三場更係互交白卷，可考慮捧和波及入球細。




噴射機上季常規賽只得第七位，其中一個原因係攻力差，三十場聯賽只入二十九球，換言之平均每場入唔夠一球，僅多過尾二兩支球隊。而且噴射機傳統比較慢熱，近六季首場聯賽只錄得一勝四和一負，包括三場悶和○比○，一場打和一比一，一場輸○比一，唯一勝仗係○九年贏威靈頓鳳凰三比二。因此，即使噴射機有地利，亦不宜高估。


和波揸得過


至於墨爾本雄心上季才加入澳職，以第八位過終點，球隊今季進行「南美化」，引入巴西及阿根廷外援，用意係好，但要小心新兵需要時間適應環境，以及同球隊磨合，季初或者仍未同隊友建立默契，令發揮受影響。而且雄心自知實力有限，作客亦唔會冒進，守和攞到一分都會收貨。另雙方上季三次交手，各贏一次及一次打和，表面上冇路可捉，但值得留意三次對壘都開入球細，預料今場入球數字亦唔會多。




醒目推介︰和、細


墨爾本雄心Vs紐卡素噴射機


日期 賽事 主隊Vs客隊 全場 （半場）




19/08/11 熱身賽 墨爾本雄心Vs紐卡素噴射機 0:1 （0:1）

08/12/10 澳職 墨爾本雄心Vs紐卡素噴射機 0:2 （0:2）

31/10/10 澳職 紐卡素噴射機Vs墨爾本雄心 0:2 （0:0）

13/08/10 澳職 紐卡素噴射機Vs墨爾本雄心 1:1 （0:0）

08/07/10 熱身賽* 墨爾本雄心Vs紐卡素噴射機 1:2 （0:1）

註：*為中立場