札幌唔貪盃博水戶「讓客」

猪拉多纳

08/10/2011
文： 走肖

札幌岡薩多今日喺天皇盃第2圈主場招呼水戶蜀葵，失威唔出奇。雖然札幌排日乙第2位，但教練石崎信弘已講明唔會強陣出擊，加上水戶有射手鈴木隆行翻生，「狼來了」要捧1.90倍「讓客」。（開賽時間：周六中午12:00）




現時札幌只係領先第4位嘅千葉市原3分，升唔升到班仲好難講，所以即使近14場有11勝1和2負，石崎信弘已暗示留力聯賽搏殺，只打算派上場後備入替建功嘅前鋒上原慎也打正選。況且雙方今季兩次碰頭，札幌都只係贏2:1，依家玩留力，實力拉近未必開到W。


水戶射手鈴木隆行翻生


至於排第18位嘅水戶，日前作客以2:0砌低不死鳥，結束連續9場不勝走勢，而且加盟冇耐嘅鈴木隆行又入波，暫時已經有3個入球，既然日乙冇降班制度，水戶大無畏有權頂住90分鐘唔輸。


天皇盃賽制：


今輪為第2圈賽事，一場過決勝負。若雙方90分鐘內打和，需要加時30分鐘作賽。若加時仍未分出高下，則互射12碼決勝負。