胡森搏有盈有利

猪拉多纳

　　葉楚航剛戰憑「橫亨」打開季內勝門，昨朝練者在場督操時仍然肉緊，料攻勢仍會持續。今日葉廐亦有不少實力馬列陣，其中出爭第五場四班1600米的「實業英雄」，更找來韋達操刀，似乎已經蠢蠢欲動。

　　上仗「實業英雄」在谷草一哩拼入一席季軍，反映五歲馬狀態已經冒升，賽後更由韋達接手操練，明顯較諸前兩回緊張得多，而騎者近朝到場，更不時與葉楚航見面，相信話題應該不離此駒。

　　事實上，「實業英雄」經過兩次熱身之後，現時躁火已收斂，馬口開始受控，馬身亦見結實，神態甚佳，今次轉爭上名途程田草1600米，有望替葉廐再添頭馬。

　　此外，今季開操比以往較早之胡森，現已有兩場頭馬見面，成績尚算不差。今日賽事，胡廐亦有多匹惡馬出征，如「太平星」、「有盈有利」等均屬有機會之馬。而胡森近朝督操時，心情亦頗愉快，就以昨朝為例，練者睇完戰馬加課後，笑口常開，仲同柏寶有傾有講，今戰兩人合作尾場「有盈有利」，絕對有吼實之必要。

韋柏