哈特普爾減壓捧得諾

猪拉多纳

09/10/2011
文： 法比加輝

英甲今晚上演獨腳戲，諾士郡主場對哈特普爾，客隊開季後一直表現理想，頭九場聯賽保持不敗，要到上場對錫周三先初嘗敗績。不過加輝認為被破不敗身絕非壞事，事關紀錄往往係一種無形包袱，如今波已輸，毋須再為此綁手綁腳，料踢番應有水準，相信今場可保不敗，受讓值得捧場。（周日晚11時30分開賽）




哈特普爾今季之所以復甦，加輝認為主要係領隊華斯禾夫夠眼光，搵到啱使兼肯替佢賣命嘅球員加盟，組得「兄弟班」踢出驚喜，其中最幫到球隊「升呢」嘅莫過於老將蘇蘭奴。呢位秘魯名將早在効力紐卡素時，已經同華斯禾夫共事過，後者當時仲係卜比笠臣副手，兩位仁兄志趣相投，於是華斯禾夫今夏就誠邀「阿蘇」幫手，結果後者近三戰射入兩球，重拾第二春。


諾士郡態沉難讓波


除蘇蘭奴之外，有「蘇格蘭希斯基」之稱嘅哥連尼殊及曼城青訓產品占士普利加盟後亦迅速融入球隊，季初都不乏「士哥」，個人認為哈特普爾整體實力不會在諾士郡之下。主隊已連輸兩場，狀態頗差，料今場難讓對手，建議捧受讓嘅哈特普爾。