火燄搶分辣着達拉斯

猪拉多纳

12/10/2011
文： 樂比堅尼

香港時間明早兩場美職常規賽，樂比仔誠意推介芝加哥火燄。美職常規賽進入最後階段，火燄近期上力頻頻搶分，希望可搭上尾班車，反觀對手ＦＣ達拉斯差唔多上岸，似有「揸流攤」迹象，今場火燄讓平半捧上盤。（周四早上8時30分開賽）




其實芝加哥火燄實力唔曳，只係季初失分太多，但自從炒咗教練之後，成績已穩步上揚，最近主場五連勝，美聯盃更打入決賽，可惜以○比二不敵西雅圖海灣者。依家抖咗一個星期，班球員叉足電，係時候化悲憤為力量，打番場身價波！




ＦＣ達拉斯係美職傳統勁旅，季初表現勇猛，但近期卻完全跌Watt，常規賽連輸四場，而且一球都入唔到，主要原因係佢哋早已放眼季後賽，所以常規賽唔想搏得太盡，以免球員受傷。其次係佢哋要兼顧中冠盃，兩線作戰下難免影響成績。


溫哥華白帽主場添食


另一場溫哥華白帽主場對華盛頓聯隊，白帽上仗大勝皇家鹽湖城三比○氣勢如虹，有力喺新主場再冧莊，捧主W！