關人馬事：闊袍大袖郁手

猪拉多纳

　　今次賽事葉楚航馬房兵分七路，除愛將吳嘉晉獲三匹坐騎外， 練者還邀來韋達、巫斯義及鄭雨滇效力，觀動靜唔似講玩，賽前隱伏陣陣火藥味。尾場「闊袍大袖」歷來七戰谷草1650米全上名，並取得三場頭馬，同程擺明是其最佳出路。隔晚所見，此駒票數軟弱，原因之一是馬兒上季拼搏太多，今季恐步入回氣期，二來上仗牠無段好睇，現評分似有見頂之虞。

　　但依筆者之見，「闊袍大袖」上仗跑1400米根本不合腳法，落敗實屬意料中事，今場幕後耐人尋味地飛起晉仔，部署予人多此一舉之感，如果沒有搏殺打算，則大可原庄配搭繼續熱身。事實上，上仗賽前已見鄭雨滇連日操實「闊袍大袖」，今次人馬攜手合作，分明是早有預謀，已退熱成功之馬這次回歸強項，實有可博之道。

　　至於廐侶「好辣椒」近兩仗走勢虎頭蛇尾，其實牠向來不擅領放，故近仗放鳶而敗，大可視為開氣性質，這次改配合作兩次均上名的巫斯義，回師谷草可見真章。

賭博士