南特施禾利大盤跟得過

猪拉多纳

14/10/2011
文： 法比加輝

足智彩加開荷乙賽事，今輪即來一場前列大戰，阿梅爾城主場對施禾利。以清一色土炮球員打江山嘅施禾利係上季荷乙亞軍，實力有一定保證，今季八場已攻入廿三球，屬聯盟火力最猛球隊。不過主隊阿梅爾城亦唔弱，事關佢哋今季亦攻入廿二球，而且八場聯賽全數開大，加輝認為今場捧大最穩陣。（周六凌晨2時開賽）


施禾利火力冠荷乙


雖然施禾利上季拎到聯賽亞軍，可惜因為在附加賽中不敵芬洛，無緣升班。幸施禾利捲土重來仍保持上季水準，今季開咧後五勝二和一負，暫時以十七分排榜首，最值得讚賞係佢哋攻力強勁，八戰共入廿三球，屬荷乙之冠，入球力大有保證。




其實主隊開季成績亦非常不俗，只係差施禾利兩分，阿梅爾城最強之處係把握力強，今季入了廿二球之餘，八場聯賽全大！翻查兩軍對賽，阿梅爾城近五次在主場迎戰施禾利，亦開了四次大，所以加輝認為首次投X荷乙最緊要穩陣，跟數據捧大盤啱數。