皇馬撲熄貝迪斯虛火

猪拉多纳

15/10/2011
文： 山度士

西甲皇家馬德里又有比賽喇，本周「銀河艦隊」主場對貝迪斯。有留意開西甲都知貝迪斯今季表現良好，更曾經短暫上過榜首，不過度士覺得貝迪斯虛火已經熄滅，今次遇到強隊皇馬會相當惡踢。計正皇馬可以輕取對手，以大比數擊敗貝迪斯好正路，預料皇馬可淨贏三球或以上。（now 632及660周日凌晨零時直播）


歐聯前例贏波


下周中皇馬就要出戰歐聯，唔少人都擔心皇馬唔敢去盡，但度士就叫大家放心，事關喺教練莫連奴麾下，皇馬絕唔會喺西甲揸流攤。度士仲記得莫連奴執教國際米蘭時曾經講過，為歐聯做準備工夫其實好簡單，就係於歐聯之前取得勝利。睇番皇馬早前喺歐聯對阿積士及薩格勒布戴拿模前，同樣喺聯賽取得勝利，包括以六比二怒炒華歷簡奴，預料皇馬可再以大比數擊敗另一支升班球隊，為歐聯振奮軍心。




貝迪斯聯賽開咧直落贏四場，不過呢道虛火已幾近熄滅，近期對基達菲及利雲特都輸波。神話已成過去，今場面對強敵好難期望佢哋再現奇迹。至於賽績方面，皇馬最近一次主場對貝迪斯大勝六比一，值得信賴。


山度士


前香港足球先生，畀料同佢做人一樣，百足咁多爪，對唔同聯賽都有興趣。教波同貼波，一樣做阿哥。