贏錢推大隨時輸晒

猪拉多纳

15/10/2011


在波盤市場博弈，要贏錢當然要贏莊家，但某程度上要喺博弈上戰勝自己心理，喺傳統經濟學上，錢係冇任何標籤嘅，但人嘅潛意識會將錢分為血汗錢、救命錢、橫財、零用錢等，呢一種將錢分類嘅做法，喺行為經濟學上，叫做「心理戶口」，唔同錢唔同用途就有唔同管理方法。




呢種「心理戶口」，亦造成好多人賭錢嘅心理缺點，舉一個例子，有一個乞兒乞到10蚊，佢就入賭場買輪盤博大佢，留番5蚊買麵包，用5蚊喺輪盤買中一個冧巴，結果贏咗175蚊，跟住佢再買，又中，最終連中好多鋪之後，佢贏咗750萬，賭場經理見唔對路，阻止佢繼續投X。




呢個乞兒意猶未盡，再去另一間實力雄厚嘅賭場再博一鋪，結果，佢輸晒750萬，身上得番5蚊，同伴見佢垂頭喪氣問佢做乜，佢話去咗賭輪盤，同伴再問手氣好唔好呀？呢個乞兒答：「好彩，只係輸咗5蚊啫。」


哈特普爾主場可反彈


究竟乞兒係輸咗5蚊，定係750萬呢？好多人都喺賭場損手就係同樣道理，「心理戶口」認為贏番嚟嘅錢係外財，輸咗唔緊要，其實不論工作賺番嚟定係贏番嚟，嗰1蚊係無分別，所以將贏番嚟再推大佢嘅做法係會導致全盤輸晒。




講完理論講心水，睇中英甲哈特普爾，球隊雖然兩連敗，但都輸畀強隊，返主場對八戰輸六場嘅韋甘比，主勝值得投X。