安歷基許願砌低拉素

猪拉多纳

16/10/2011
文： 巨高

意大利有大量歷史文化遺產，其中位處首都羅馬嘅特雷維噴泉（Fontana di Trevi），係世界最受歡迎嘅噴泉之一，亦係遊客必到景點。而周一凌晨上演嘅羅馬打吡戰，拉素主場對羅馬之前，尚未取得羅馬球迷及股東信任嘅教練安歷基，將要借助特雷維噴泉嘅神奇力量，為今場羅馬打吡戰帶來勝利，巨高信呢位少帥，今仗睇好羅馬。




（now 633周一凌晨2時45分直播）




特雷維噴泉有一個傳說，只要有心人以右手執硬幣，背着水池而立，然後將硬幣從左肩方向拋入池內，許下嘅願望就會實現。而根據電影《Three coins in the Fountain》，如果有人投入兩個硬幣的話就會遇到新戀情，如果投入三個的話，則至少會結婚或者離婚。


安帥改革路多阻滯


實在坊間有唔少許願嘅傳聞，久而久之特雷維噴泉就叫做許願池。每個來到羅馬嘅人都一定會到池邊許願，透過硬幣將訊息傳到西方神話中諸神。而今日其中一個硬幣，就來自羅馬教練安歷基嘅右手。




今季羅馬銳意大革新，老闆更從西班牙請到巴塞青年軍教官安歷基到來，為羅馬帶入新思維新理念。奈何傳統羅馬球迷及股東太過執着，對於新派思維異常抗拒，搞到安歷基嘅改革路途阻力重重。為要取得羅馬人所認同，今場安歷基就要率領球隊贏得羅馬打吡大戰，以實際成績去說服所有保守派。




實在喺對賽往績方面羅馬都佔有一定優勢，近五次首都打吡戰都係由羅馬勝出。就算單近兩次羅馬掛牌作客拉素，都係羅馬獲得最後勝利。縱然王子托迪因傷未能上陣，但另外兩名前鋒保贊同奧斯華度一樣咁弗，要贏拉素唔係難事。留意到過往對賽例必踢到飛沙劈石，建議球迷兼顧大盤。