銀河食飽飲唔落芝華士

猪拉多纳

16/10/2011
文： 樂比堅尼

今日旺角場重開，樂比仔本來好想去睇波緬懷一番，可惜要返工，惟有等下次有機會先去捧場。據聞旺角場設施唔錯，最重要係交通方便，雖然座位少啲，但以港甲目前嘅入座率睇，六千幾人都勉強夠用，起碼氣氛好啲。


港甲望重建球場好過


其實香港球場真係嚴重唔夠用，與其幻想X府畀錢起球場，不如慳啲重建現時嘅球場好過，其中最有條件「升呢」係元朗大陂頭，其次係荃灣城門谷球場，港甲需要多啲呢類中型規模球場，先可以培養球迷嘅歸屬感。




是日推介美職洛杉磯銀河對美國芝華士，兩隊共用主場賀姆體育中心，故銀河冇乜優勢，加上銀河已奪常規賽冠軍，捧芝華士「讓球勝」！




（周一早上9時開賽）