紐卡素熱刺好「大」喜攻

猪拉多纳

16/10/2011
文： 阿占

今季英超百花齊放，前4爭逐比過往激烈！今晚紐卡素同熱刺，就係兩支競爭分子正面交鋒。佔地利嘅「喜鵲」開季表現帶畀球迷一定驚喜，丹巴巴亞亦重拾當日賀芬咸嘅勇態，今場撞正有前冇後嘅熱刺，兩班波隨時鬥攻攻到暈，玩1.82倍「大」係最佳選擇。（有線200及300、廣東體育周日晚11:00直播）




紐卡素今年接連賣走安祖卡路爾、路蘭、祖爾巴頓等主將，誰不知成績就不跌反升，今季踢到依家4勝3和仲未輸過，尤其係今季新加盟嘅塞內加爾射手丹巴巴亞，近兩場聯賽已有4球進帳，加上早前因傷唔使踢國際賽，令佢有更多時間休息！賽前消息話佢將可以趕及康復，有呢把尖刀攻堅，紐卡素鋒力更有保證。


賓艾化抖完一年復出


查實「喜鵲」除咗開咧和咗阿仙奴外，之前比賽都未遇過真正勁旅，今日對熱刺就係對佢哋爭入前4嘅一大考驗！成班球員當然會加多兩錢肉緊，雖然條防線真係「油麻地」，但勝在進攻能力唔錯，據報今場仲有斷腳抖咗成年嘅法國翼鋒賓艾化復出，就算只係先做後備，對班波士氣都係一大鼓舞！


夏利叔雲達華治否認不和


熱刺上輪擊敗死敵阿仙奴，聯賽4連勝，論卡士亦喺「喜鵲」之上，可惜早前傳出雲達華治同領隊夏利列納爆發罵戰，儘管後者已例牌否認，不過繼莫迪歷罷踢後再傳出內亂，對軍心始終有影響！阿占唔認為熱刺可以喺咁嘅情況下作客贏波，但佢哋嘅鋒力始終畀到人信心，就算艾迪巴約上陣機會五五波，都仲有迪科爾、柏夫里約真高同加里夫巴利幾支大炮，夠晒本錢同紐卡素駁火！


頂占筍盤：紐卡素 入球大


有線球彩台主持阿占‧電郵：soccer64@cabletv.com.hk‧




球彩群組：http://fb.com/icable64&#8231HONE波熱線：1831 678‧

「快樂星期天」開放時間：周日晚9:00至周一凌晨1:30