畢爾包翻嗒奧沙 挾連勝氣勢食住上

猪拉多纳

17/10/2011
文： 法比加輝

西甲周二凌晨獨腳戲，畢爾包主場對奧沙辛拿。畢爾包教練比爾沙經過一輪適應期後，已摸熟呢支土炮，近期連贏兩場漸入佳境，士氣如虹又擁主場之利，今場可看高一線，加輝捧主勝。（周二凌晨3時開賽）




畢爾包今季出閘脫腳，聯賽要到上場先開齋，今夏才上任嘅前智利國家隊領隊比爾沙自然聽到唔少批評聲音。不過比爾沙始終有一定功力，經過季初適應期後，畢爾包近況明顯好轉，繼在歐霸盃贏完財大氣粗嘅巴黎聖日耳門之後，上場亦在打吡戰擊敗皇家蘇斯達，連贏兩場大戰可謂令畢軍信心大增，狀態弗爆勝望濃厚。


近4主戰奧沙全勝


軍情方面，畢爾包有沙比卡斯迪路及伊戈馬天尼斯續因傷缺陣，不過兩人都非常規主力，故影響不大。奧沙辛拿就有一雙中堅沙治奧費南迪斯及路華斯奧可望傷愈復出，但兩人養傷多時，尤其係沙治奧費南迪斯，有否足夠狀態去應付比賽的確頗成疑問。




再者，奧沙辛拿近季到訪畢爾包可謂毫無佳作，近四次作客對賽輸晒，而且仲交白卷一球都入唔到，近績明顯係畢爾包較為優勝。事實上奧沙辛拿作客一向不濟，近年護級成功往往都係靠主場搶分，所以加輝認為除咗主勝可捧之外，今場大可睇死客隊啞火冇波入，波膽捧埋1比0及2比0，另入球細亦可考慮。