杜塞爾多夫齊腳 不「聖」無歸

猪拉多纳

17/10/2011
文： 亨格比利

德乙今晚爆發獨腳戲，由聖保利主場硬撼杜塞爾多夫。兩班波實力旗鼓相當，杜塞爾多夫今季仲未輸過，聖保利傷兵太多根本冇本錢讓波，今戰無謂追盲門，捧1.77倍「讓球客勝」最明智。




（開賽時間：周二凌晨2:15）




杜塞爾多夫踢咗10輪聯賽依然保持不敗，隨住門將拿泰沙克、中場奧利華芬克同前鋒湯馬士布卡喺上仗復出，加上主將保迪錫亦都傷愈可候命，教練洛拔美亞可派「夫添」出擊。據德國《圖片報》稱，杜塞爾多夫會方講明如果今季能殺入三甲，就會同洛拔美亞續一紙長約兼加球員人工，陣營士氣可謂一流。


聖保利後防穿窿


主隊聖保利近況都唔曳，最近就試過大勝1860慕尼黑同科特布斯，弊在森拜奴、蘇比治、禾斯同贊卡拉幾位守將都打咗柴，防線穿晒大窿，要頂住近4仗入3球嘅杜塞爾多夫後上殺手蘭真尼基唔容易，今鋪仲學人讓波？No Way！