國家財困造就加拉治上位

猪拉多纳

18/10/2011


歐聯踢咗兩輪分組賽，可能大家對加拉治仍唔太熟悉，呢支羅馬尼亞新貴以紅、白、藍為主色，仲要係直條，遠睇似「紅白藍袋」，可惜佢哋完全冇「紅白藍袋」嘅精髓，平就夠平喇，卻非價廉物美，出到歐洲賽只能陪跑。




可能大家會奇怪，羅馬尼亞球壇咁多年來，唔係畀布加勒斯特球隊壟斷晒o架咩？好似布加勒斯特星隊、布加勒斯特迅速、布加勒斯特戴拿模。不過，隨住歐洲經濟危機，原本受國家同X府支持嘅首都球隊失去依靠，導致以往嘅細球會好似加拉治、克盧日甚至烏尼雷亞彈起。


人腳難登大場面


講番加拉治，呢支上屆羅甲聯賽冠軍，雖然喺國內稱雄稱霸，但去到歐聯呢啲大場面，可謂完全唔夠班，陣中有分量嘅球員寥寥可數，較有名氣球員係射入該隊歐聯唯一一球嘅前鋒馬里奧斯彭拿，而後衞安達爾則係陣中少數嘅羅馬尼亞國腳，相信呢個「紅白藍袋」好快可以摺埋！