拜仁兵疲同拿玻里捱細界

猪拉多纳

18/10/2011
文： Wendy

幾個星期前，我喺冇做熱身嘅情況下拉一字馬，聽到好響咁「啪」咗一聲，原來拉傷咗條筋，到依家都未好番啊。啲職業運動員朋友話，呢種傷可能要幾個月先至復原得到，咁耐先好得番，難怪啲足球員一傷就要抖好幾個月啦，唉，即係話我有排都再做唔到一字馬喇。




上星期國際賽，呢個禮拜聯賽同歐聯歐霸係咁踢，好多大球星都因為頻撲於國家隊同球會之間出現疲態，例如我今晚心水場次拿玻里對拜仁慕尼黑都有唔少球員係咁，或多或少會影響發揮，所以入球細係我首選。




依家拜仁喺歐聯分組賽A組得六分排喺榜首，形勢大好，拜仁今季喺軒歷基斯領導下，完全脫胎換骨，聯賽重現霸氣，已經十二場冇失過波。


踢完國家隊未回氣


隨住一班隊友愈戰愈勇，洛賓受傷所帶嚟嘅影響亦逐漸減少，不過今場要支持拜仁贏波有難度，因為馬里奧高美斯、梅拿、卻奧斯同拿姆等主力又係國際賽及聯賽未停過，呢場仲要作客，我怕佢哋力不從心。無論幾好波都好，畢竟都係血肉之軀，一定會出現疲態，所以無論有幾多數據支持拜仁，我都唔敢買。




主隊拿玻里以四分排第二，搶分心態一定雄過拜仁，佢哋今季表現對辦，相信畀拜仁好大壓力，但同樣地，入波王牌卡雲尼上周先代表完烏拉圭，上場聯賽亦踢足全場，瑞士中場恩拿同斯洛伐克中場咸錫，情況亦相同，一於唔理邊隊贏，呢次揀入球細就更好捉路。