阿仙奴法制馬賽

猪拉多纳

19/10/2011
文： 樂比堅尼

香港時間周四凌晨上演歐聯F組分組賽，馬賽主場對阿仙奴。阿仙奴於英超諸事不順，但去到歐聯又係另一個世界，畢竟英超球隊近年主宰歐聯，阿仙奴有豐富經驗，分組賽對兵工廠嚟講濕濕碎，更何況雲格對祖國法甲兵瞭如指掌？馬賽今仗讓唔起平半，捧阿仙奴下盤。




（有線61及201台周四凌晨2時45分直播）




阿仙奴今屆歐聯由外圍賽開始已保持四仗不敗，取得三勝一和成績，如果計盤路則係三贏一走，其中作客對烏甸尼斯同多蒙特都贏盤，可見阿仙奴嘅歐聯戰績依然相當硬淨，等閒球隊要贏佢哋相當困難。


雲格熟晒馬賽路數


事實上，阿仙奴近期表現算係逐漸回穩，周日主場對新特蘭，憑隊長尹佩斯梅開二度贏二比一，雖然表現唔算特別搶鏡，但總算近五仗贏四場，球員開始重拾信心，隨着部分傷兵復出，阿仙奴依家已可排出相對較完整陣容，進攻能力唔使懷疑。




馬賽分組賽連贏兩場，今仗搶分壓力唔大，如果以季初表現嚟睇，馬賽可以話完全唔合格，聯賽成績比阿仙奴更差，十場只係贏一場，排中下游位置。馬賽最大問題係攻不銳、守不穩，主力鐵三角雷米、阿休及路爾斯干沙利斯今季表現都冇上季咁醒，加上阿仙奴領隊雲格係法國通，熟晒馬賽條路，馬賽今場都幾難有運行！