雲格：季前半隊想走

猪拉多纳

19/10/2011
文： 樂比堅尼

雲格自爆今夏半隊主力想走！阿仙奴今夏失去法比加斯及拿斯尼等主力，主帥雲格受訪時爆出驚人內幕，透露球隊曾鬧兵變，佢仲明言已經好累，如果戰績再冇改善，隨時離開兵工廠。




阿仙奴季初戰績欠佳，雲格忍唔住向傳媒吐苦水：「今夏好難捱，有半隊主力想走，我哋去亞洲備戰，唔知有邊個會加盟，形勢真係好危急，好彩球會夠硬淨，所以先頂得住，換着係第二隊隨時散晒。」


「個天懲罰我」


雲格言談間仲話自己有疲態：「我天生係工作狂，但有時都會感到疲累，特別係季前忙到癲！或者我前世好懶，依家個天要懲罰我，當將來向天主報到，我會話我係為贏波而生存，呢個就係屬於我嘅故事。」另外，雲帥認為自己並非擁有鐵飯碗：「我份人好現實，份工係以成績作評估，由戰績決定你嘅去留。」