「皮爾森」破產邊緣重生

猪拉多纳

19/10/2011


柏辛域陀尼亞已經踢咗兩場歐聯分組賽，相信球迷對呢支捷克新興球隊都已經有番多少認識，其實佢哋一向被廣泛譯為皮爾森，到今季打入歐聯先譯為柏辛域陀尼亞。雖然佢哋上季取代傳統勁旅布拉格斯巴達奪得捷甲冠軍，但其實季初嘅時候都好危險o架，事關球會差啲因為財困而破產，好彩有財團收購，然後再投資增兵，先能夠從地獄返回天堂奪得冠軍。


6號仔「東歐美斯」


柏辛域陀尼亞嘅特色係絕少外援，保留傳統東歐風格，踢法相當機動，球員個人技術亦細膩，所以有「捷克巴塞」之稱，其中身穿6號球衣嘅華拉夫比拿就有「東歐美斯」之稱，今場佢同正牌美斯同場較技，捷克迷都非常期待。