薩克達絕地翻辛

猪拉多纳

19/10/2011
文： SAMYO肥叔

南韓國內聯賽今年被爆大規模造波，球圈黑暗面全面曝光，肥叔唔單止一次講過南韓波麻煩多，依家終於畀人一次過揭破臭史。呢次醜聞對南韓球圈衝擊好大，賽事形象插水，令莊家失晒信心，相信要一段時間重新建立口碑。




今日有亞冠盃賽事玩，兩支南韓代表同樣獲唔少行家睇好，兩間球會唔單止為自己而戰，仲要肩負振興國內足球使命，戰意好到不得了。講級數，南韓波只要唔搞搞震，踢亞洲賽事水準確實較高，絕對唔怕西亞球會，全北汽車作客伊蒂哈德平手盤有利，值得留意。




講番今次重心推介，歐聯G組薩克達主場對辛尼特，捧主隊！薩克達近年成為歐聯常客，早已顯示過主場威力，絕非泛泛之輩。球隊於分組賽頭兩場冇乜料到排包尾，想爭取出線，今仗冇得保留，依家讓到半球更不斷落飛，盤口非常硬淨，上盤有計。




（周四凌晨2時45分開賽）


波圖讓得辣冇有怕


G組另一戰由波圖主場對尼科西亞，波圖雖有唔少主力離隊，但踢落影響唔算好大，今仗對住尼科西亞讓到球半，但佢哋級數遠高於對手，應可贏波贏盤。