直取巴塞4倍主其他

猪拉多纳

19/10/2011
文： 力奇

球王美斯今季代表巴塞隆拿踢12場入咗16球，入球數字冠絕歐洲5大聯賽，唔通真係要出動斧頭同大炮阻止佢入波咩！咪話力奇睇小捷克嘅柏辛域陀尼亞，佢哋今晚喺H組作客巴塞隆拿，根本就冇能力阻擋美斯，與其博「-2」嘅1.42倍「讓球主勝」，力奇決定直取4倍「主其他」，一於等睇巴塞入球騷！




（有線64及204周四凌晨2:45直播）




上周末西甲對住桑坦德梅開二度嘅射手美斯，啱啱正式成為巴塞「夢之隊」史上第2位射手，認真巴閉。喺新季7場聯賽入咗10球嘅佢，原來喺當中歐洲5大聯賽之中，就只有拜仁慕尼黑嘅馬里奧高美斯拍得住佢，不過一旦計埋其餘各項球會級賽事，12戰入16球嘅美斯先係真正嘅歐洲No1。


客軍上輪吞AC兩蛋


睇番人腳，巴塞隆拿今仗雖然有中堅碧基加入埋十字軍，今仗要同翼鋒阿歷斯山齊士同阿費利齊齊做座上客，但「小白」恩尼斯達上場傷愈復出即刻交出助攻，表現仲鬼咁好，之前養傷兩個幾星期嘅法比加斯亦已經復操，估計佢哋喺魯營主場會索性以攻為守，就算冇碧基一樣冇有怕啦！




捷克排第5嘅球隊柏辛域陀尼亞，今仗造訪魯營當然以穩陣行先，預料只會派馬歷巴高斯任單箭頭，不過佢哋防線想搵個真正踢到硬淨波嘅守將都冇，之前作客聖西路都係淨吞2蛋，今次又點樣阻得住美斯同巴塞呢？想出超技術？歐聯球證執法尺度一向嚴謹，輸多幾球12碼再攞埋牌都幾大鑊，斷估班捷克守將都唔敢亂嚟。