烏甸搏老命射爆馬體會

猪拉多纳

20/10/2011
文： 蘇豪

歐霸盃死亡I組賽事形勢緊湊，西甲球隊馬德里體育會近期狀態激沉，而且名大於實，加上作客唔掂，今次造訪烏甸尼斯冇運行，平手盤必撐烏甸！（有線61及201台周五凌晨1時直播）




馬德里體育會雖然放走星級射手科蘭同阿古路，但仲有唔少星級球員在陣，包括哥倫比亞當紅射手法卡奧。馬體會季初踢落唔錯，不過自從上月尾聯賽大敗於巴塞隆拿後，大軍近三場和晒，其中兩場冇士哥，表現極曳！




烏甸尼斯對上八場賽事不敗，單計主場取得三連勝，狀態托弗！烏甸今季繼續食老本，前線重用王牌前鋒迪拿達利，仍然保持極強戰鬥力，今輪主場出擊實搏。馬體會近四次作客不勝，加埋只入一球，惡唔出樣！


些路迪甩漏多捧雷恩


同組雷恩主場對些路迪，些路迪愈踢愈曳，上場對基爾馬諾克苦戰逼和對手，後防甩漏多不勝數，今次作客雷恩難有作為，可捧主Ｗ！