布魯日主場惡死恰阿伯

猪拉多纳

20/10/2011
文： 法比加輝

今輪歐霸盃加輝最有信心就係H組布魯日對伯明翰。雖然伯明翰近況回勇連贏三場，但呢班波始終只屬次級球會，降班英冠後亦流失不少主將，今季要兼顧埋歐洲賽，對佢哋嚟講都算幾吃力。比利時勁旅布魯日主場成績甚有保證，加輝建議簡單捧主勝。




（有線63及203台周五凌晨1時直播）




季初戰績低沉嘅伯明翰近期已重上正軌，連埋上輪歐霸擊敗馬里博爾在內已連贏三場，球隊士氣總算好番多少。不過伯明翰想在今場搶分就有多少難度，事關布魯日係比利時地頭蟲，近十次主場九勝一和，單係呢個數據已經嚇死「阿伯」，所以主隊確實可睇高一線。


歐戰經驗勝伯明翰


再者布魯日係比甲爭標分子，陣中具卡士嘅球員多的是，其中今季回流比甲嘅國腳維利明克斯，就係要矢志替布魯日問鼎各項錦標。論歐洲賽經驗都係以主隊較為優勝，因此加輝認為布魯日可輕鬆勝出，主勝唔好錯過。