拉素食住個勢攻陷蘇黎世

猪拉多纳

20/10/2011
文： 力奇

歐霸盃D組除咗士砵亭2戰全勝一枝獨秀外，其餘3隊只相差1分，想爭出線今輪不容有失。其中第3位嘅意甲老牌勁旅拉素，今晚出訪瑞士超聯球隊蘇黎世，憑住較佳質素，以及贏完羅馬市打吡嘅氣勢，絕對有力贏波，小讓平半我捧1.93倍上盤。




（有線63及203周五凌晨3:05直播）


蘇黎世瑞士超都踢唔掂


蘇黎世家陣喺瑞士超只排第8成績麻麻，佢哋歐霸盃2戰只得1分，近況又衰到貼地，如果唔計喺瑞士盃對住低組別對手，齋計瑞士超同歐霸盃，原來已經5場不勝。近5場歐戰主場又得1勝1和3負，只入過2球，主場威力都冇乜，仲有守將拉菲爾高治停賽，仲點捧得落手？




拉素話晒家陣喺意甲排緊第4，上場佢哋喺打吡戰力克宿敵羅馬2:1，氣勢當然勁爆。前日佢哋操練期間，就有過千名Fans嚟到拉素大本營打氣，士氣鬼咁好。佢哋今仗雖然有中場艾華路干沙利斯與布洛治因傷上陣成疑，教練利查停賽，但預計影響唔大，最緊要係今季加盟嘅高路斯有貨交，絕對可以帶領拉素作客贏波。