祖記返晒嚟趁熱食

猪拉多纳

22/10/2011
文： Combo King

祖雲達斯於暑期大灑金錢增兵，果然有料到，「斑馬兵團」沉咗好幾季，今季係時候作出反彈。周日凌晨祖雲達斯主場迎戰熱拿亞，以「祖記」充裕人腳及主場氣勢，可望大勝熱拿亞，繼續保持意甲龍頭位置，強弱懸殊下，「讓球主勝」可捧場。




（周日凌晨2時45分開賽）




祖雲達斯幾日前公布，標誌性人物迪比亞路玩埋今季就離隊，而舊隊友兼現任教練干迪同佢私交甚篤，肯定會畀迪比亞路更多落場機會，等主場球迷見多佢幾面。




咪以為迪比亞路三十七歲就冇料到，查實佢狀態Keep得好好，每次上陣都交足貨。既然都最後一季，有得出場梗係搏到盡啦，配合埋今季大勇嘅中場馬治斯奧及派路，祖雲達斯今場有力大捷。熱拿亞近年作客祖雲達斯都冇運行，而且中堅卡拿迪斯要停賽四場，對客軍防守能力必有影響。


比拉馬難擋賓菲加


另一場較早時間舉行嘅意甲，由費倫天拿主場鬥卡坦尼亞。上周聯賽卡坦尼亞成功砌低國際米蘭，但切勿對呢支小島球隊過分憧憬，因為卡坦尼亞主強客弱，去到佛羅倫斯比賽隨時大走樣，今場宜捧主Ｗ。




最後睇多場葡超，由比拉馬主場對賓菲加，今季賓菲加勇態持續，擺到明要打破波圖壟斷局面。比拉馬今季唔係醒，過往亦慣咗畀「Big3」炒鑊甘，「讓球客勝」較為睇好。