紐卡素斬草除「根」

猪拉多纳

22/10/2011
文： 郭球奇

紐卡素近況大勇，前鋒丹巴巴亞更加係着晒火，但係據聞領隊柏杜仲未滿意，諗住下年1月再增添箭頭，今晚主場對韋根，相信丹巴巴亞一定再加兩錢肉緊，再睇埋兩隊近年對碰多數都大手交易，球奇覺得呢場玩1.82倍入球大最着數！（有線200及300、廣東體育周六晚10:00直播）




季前曾被喻為降班熱門之一嘅紐卡素，開季後愈踢愈出色，上仗主場對住「準Big4」熱刺，兩度落後都可以追成平手完場，盡顯韌力同不死鬥志，保住今季不敗戰績。當中前鋒丹巴巴亞更連續3場取得「士哥」，拍檔貝斯從旁掩護功不可沒，當然亦唔可以唔提上場後備入替射入世界波嘅艾美奧比，加埋周中預備組梅開二度，幫紐卡素贏利物浦3:2嘅尼爾蘭加揚言要重返一隊，根本唔缺前鋒。




不過英國傳媒日前爆料，指領隊柏杜快將傾掂喺下年1月，以750萬鎊簽入已經睇中好耐嘅索察前鋒邁加，相信「喜鵲」一眾箭頭在公在私，今晚肯定唔會放過任何入波嘅機會。


韋根專破喜鵲大門


同紐記相反，韋根近況沉到爆，上場喺「護級大戰」主場對住保頓都輸1:3，連盃賽錄得6連敗，今晚作客紐記本應九死一生。不過球奇賽前check過往績，發現韋根雖然從未喺聖占士贏過波，不過史上6次作客紐卡素，5次成功入波，而且都開大，對住「喜鵲」入波有一手，再加上今場有射手洛達列加傷愈好大機會擔正，似乎入球大比捧主W仲穩陣！


橫數千軍


紐卡素連開4口大




‧近8戰3勝5和，連續4場開大。

‧丹巴巴亞目前5個英超入波，有4球喺主場取得。

韋根今季作客未贏過

‧近8戰1勝1和6負，對上6場全敗，每場至少失2球。

‧連同盃賽，今季作客未嘗一勝。

兩軍聖占士交手多波入前者主場

日期 戰果

10/10/16 紐卡素 2:2 韋根

08/11/15 紐卡素 2:2 韋根

07/09/01 紐卡素 1:0 韋根

日期 戰果

06/08/19 紐卡素 2:1 韋根

06/04/15 紐卡素 3:1 韋根

54/01/09 紐卡素 2:2 韋根