撐狼堡1.65倍「客勝」

猪拉多纳

22/10/2011
文： 翁文成

漢堡今季個頭開得唔好，新帥芬克初嚟埗到都要時間摸熟隊波，但今晚首度領軍對住禾夫斯堡唔易砌，雖然有港人林志堅撐場，但買波點可以盲目？而今晚漢堡要讓波就更加信唔過。阿成賽前做過功課，發現原來漢堡喺主場對住「狼堡」已經連輸4個「-1」盤，今鋪都係無謂鬥氣，撐「狼堡」唔輸，開1.65倍「讓球客勝」。（有線61、64、201及204周日凌晨0:30直播）


漢堡主場未開齋


魯度夫卡度素早排做替工接掌漢堡，班波明顯踢得進取兼有活力，奈何佢老人家冇德甲教練牌，唔能夠執掌球隊超過15日，會方惟有搵嚟拜仁名將芬克領軍，班球員又要重新適應過新戰術，能唔能夠即時重返正軌係一大問題。




對家禾夫斯堡近況一樣麻麻，好在一對前鋒文迪蘇傑同迪查加做到嘢，2人喺近5場聯賽合力炮製咗7個「士哥」，絕對有力撕破9戰勁失21球嘅漢堡防線。睇埋攤路，漢堡對上4次主場鬥禾夫斯堡都係讓「-1」，結果全部開晒「讓球客勝」，有兩次仲輸埋1:3，加上漢堡今季主場仲未開齋，咁好路唔係唔追「狼堡」啩？


漢堡近4次主場對賽全開「客勝」


日期 戰果




10/09/23 漢堡1:3禾夫斯堡




10/01/29 漢堡1:1禾夫斯堡

09/03/01 漢堡1:3禾夫斯堡

07/09/29 漢堡2:2禾夫斯堡