貝迪斯萊切搵餐餸

猪拉多纳

23/10/2011
文： 肥叔

今日大家嘅焦點，一定放喺曼徹斯特打吡戰身上，肥叔對呢場大戰都好期待。雖然曼城季初嘅表現冇得頂，目前排名亦力壓曼聯，但兩隊波拍埋始終係曼聯高啲，「紅魔鬼」贏嘅係心理質素同埋領隊功力，曼聯讓平半上盤值博率甚高，不過如果畀肥叔揀，大盤會吸引啲。




等睇曼市大戰之前，有兩場黃昏波熱吓身，分別係西甲貝迪斯主場對華歷簡奴，同埋意甲萊切主場對AC米蘭，肥叔對兩支主隊都頗有好感。




貝迪斯季初表現對辦，呢隊波勝在夠正氣，主場對中下游球隊勝算高，今場讓半一係信心表現，捧上盤。




（now 632及660周日晚6時直播）




至於AC米蘭作客萊切，讓一球、球半實在多咗，AC米蘭今季明顯冇上季咁弗，加上上周中歐聯對巴迪都踢得幾辛苦，作客踢早場唔易應付，仲要讓得咁狠，梗係捧下盤啦！




（now 633周日晚6時30分直播）

兵工廠夠料攻「城」

另一場英超阿仙奴主場對史篤城（有線301及201台周日晚8時30分直播），肥叔都好鍾意上盤，阿仙奴近期重拾水準，雖然同巔峰距離仲差好遠，但絕唔能夠忽視佢哋嘅實力，依家盤口退晒熱，好似今場對史篤城都係讓一球，上盤非常抵玩。史篤城主強客弱，前幾日又踢完歐霸盃未必咁快回到氣。