格羅寧根回勇殺迪

猪拉多纳

23/10/2011
文： Richard Welbing

格羅寧根近年屬於荷甲前列分子，球隊早前將斯洛文尼亞國腳馬達夫斯賣走，整體評級一度被調低，但隨着球隊順利過渡適應期，近期成績明顯好轉，今輪主場對疲兵川迪有得受讓，「讓球主勝」值得留意。




（now 639周日晚8時30分直播）




馬達夫斯過去兩季都係格羅寧根首席射手，合共射入二十九個聯賽入球，自從佢離隊轉投燕豪芬，球隊有一段時間在進攻上迷失方向。但隨着烏拉圭前鋒泰斯拿、中場巴根拿表現復甦，球隊戰績開始冒升，對上四場聯賽贏了三場，包括主場擊敗去季盟主阿積士，表現回復生氣。




川迪上周中在歐霸盃作客大勝奧丹斯四比一，演出在水準之內，不過今場係球隊連續第三場作客賽事，舟車勞頓乃一大隱憂。格羅寧根近兩場主場全勝兼冇失波，受讓有捧場價值。


燕豪芬炒起維迪斯


另一支有份參加歐霸盃嘅燕豪芬今晚作客維迪斯，剛才提及燕豪芬早前羅致前格羅寧根主力馬達夫斯，證明佢哋冇入錯貨，球隊連盃賽在內已連贏六場。維迪斯今季鬥阿爾克馬爾、阿積士等強隊都大敗而回，今次對燕豪芬凶多吉少。




（now 639周日晚10時30分直播）